Ўзбекистон касаба уюшмалари Федерациясининг малака ошириш институти нодавлат таълим муассасасида Ўзбекистон ахборот технологиялари ва оммавий коммуникация ходимлари касаба уюшмаси Республика кенгаши тизимидаги бошланғич ташкилотлардаги “Меҳнат низолари” ҳамда Ижтимоий-меҳнат масалалари бўйича комиссиялари аъзоларининг малакасини ошириш мақсадида 2023 йилнинг 20 феврал кунидан 5 кунлик ўқув машғулотлари бошланди.
Мазкур ўқувларда янги таҳрирдаги Ўзбекистон Республикаси Меҳнат кодекси асосида жамоа шартномалари лойихаларини ишлаб чиқиш, ижтимоий меҳнат масалалари бўйича комиссиялар фаолиятини самарали ташкил этиш юзасидан тайёрланган слайдлар орқали назарий ва амалий машғулотлар ўтказиб борилмоқда.